وفى مصر كمان فى الغلبان و فى السلطان...فى كل حارة و زقاق و ميدان حتلاقى سلطان بيحكى مع واحد غلبان...
واحد بس!!! لالالا,,دول كتييييييير عد على قد ماتقدر بشرط ماتكونش تعبان وله زهقان و له زعلان و طبعا يعنى مش عميان...
لأ..بلاش بقة عميانيين..! مش كفاية الغلبان مشى ورا السلطان يقول له يمين يمين ,شمال شمال..!!
و اطوحنا يمين و شمال ,,و اتبهدلنا مابين جنوب و شمال..مالقينا حد يجاوبنا على السؤال المتهان فى كل البلدان
اية اللى بيحصل فينا ده ياربى؟؟!!
و اليكم الحوار المعتاد:-
لما رجع عم "غلبان" لحارته(اللى ساكن فيها) حارة "الغراب" (وهى حارة مصرية ماتلاقيهاش على الخريطة) ..كان عنده اسئلة كتييييييرة ملهاش و لا حتى جواب,,و علشان كدة قرر عم غلبان انه يروح لعمنا "السلطان غراب البين"!(هو اسمه كدة) شيخ الحارة اللى معينه الغراب الكبييييييير اوى (اوعوا تسألونى عن اسمه,ماتودونيش فى داهية)
المهم ان عم "سلطان غراب البين" عايش فى برج عاااااااااااااااالى اوى,علشان تطلعله يتهد حيلك و حيل اللى خلفوك و حيل اللى خلفوا اللى خلفوك!!!
رضى عم"غلبان" و طلع و انتوا عارفين الباقى.............
غلبان:اه اااه..صباح الخير ياعم سلطان باشا..اه اه
سلطان:هو انت ..صباحك لون شعر راسك!!
غلبان:ليه كدة بس يابا الحاج ده انا بصبح عليك..
سلطان:ماتردش عليه ياض بدل ماديك باللى فى.....
غلبان:لالا خلاص انا آسف
سلطان:نهايته,عاوز ايه؟
غلبان:كنت عاوز اخد رايك فى حبة حاجات كدة شفتها لما رحت مصر المحروسة و انا بزور مولد "سيدى العريان"
سلطان:و شفت اية بقة ان شاء الله!!
غلبان:ياهوووووووو,ده انا شفت حاجات كتيره اوى يابا الحاج,,صلى على النبى..
سلطان:عليه الصلاةو السلام
غلبان:و انا داخل على مصر المحروسة عدينا على كوبرى كدة طول السنة السوده بس مش فاكر اسمه,,اسمه ايه ياواد يا غلبان..اسمه ايه ايه؟؟!
سلطان:اسمه المحور يا بأف!
غلبان: ايوااان "المحور يا بأف"!!!!!!
سلطان: يا نهارك مهبب و مطين بطين..انت بتشتمنى و له انت ياض!!
غلبان: ايه يا عم الشيخ,,مش انت اللى بتقول "المحور يا بأف"!
سلطان: خلاص خلاص..دتك نيله على غبوتك,,ماله بقه المحور؟؟
غلبان: هو ليه المحور ده يا عم السلطان بينور الصبح و بيضلم بالليل؟؟!!
سلطان: مش فاهم يعنى ايه يعنى...
اتغاظ "غلبان" و راح قايل فى نفسه -طبعا ما انت قاعد فى العلالى و لا انت دارىبحال الدنيا و الناس الغلابة..اااخ امتى ربنا يخدك......!
سلطان:ماتنطق ياض ..ازاى ده بيحصل؟؟
غلبان:و الله يا با الحاج زى ما بقولك كده و انا ماشى عليه الصبحية لقيت نوره ملعلط,,و لما كنت راجع على هنا بالليل مالقتلكش و لا "لنضة" توحد ربنا قايدة,,لأ و ايه و انت ماشى عليه كدة تحس انك بتلعب "زوبمباظ" قصدى يعنى "جومباظ"!!!
سكت سلطان شويه,,و قال: امر الحكومة يا حبيبى اسية حتعترض و له اييييه؟؟
غلبان(وهو مرعوب طبعا):لألألأ حاش لله يا عم الحاج انا برضه وش ذلك..انا اقدر اعترض!! استغفر الله العظيم..
سلطان:و بعدين انت مستغرب اوى ليه كدة ياخوية..ماه بعد انت ماطليت عليه بسحنتك الجميلة دى مش حينور لا صبح و لا بالليل...
و علسان محدش يقدر يغلب "الغربة" فى الكلام,,غير عم غلبان الموضوع..لأ ده قفل الواضيع كلها,
و قال:طيب يابا الشيخ انا ماشى بقة و حبقه اجى اكمللك بعد كدة انا شفت ايه فى المحروسة
سلطان:بسلامة يا خوية......
مشى "الغلبان" و لسه فى دماغه كلام,,هو كان بدأ اصلا ده لسه مادخلهاش (مادخلش مصر يعنى..فتحوا معايه شويه)
تفتكروا الغلبان فى البلد دى شاف اييييه؟؟
ايوووووووووووه ده شاف حاجات كتير مش فى الحسبان و لاحتى فى اللبان هاهاهاهاهاى.. فى بلد العجايب و القطايف و الكوستبان فى مصر المحروسة.........
و للحديث بقية,مفيش حد حيكمله غير عم "غلبان" بتعنا,,اسمعوه لازم تسمعوه فى المرة الجايه..
وسلالالالالام........
"امانى"
هناك ١٣ تعليقًا:
ياسمين واماني ربنا يخليكم لبعض بجد بفرح لما الاقي اتنين مرتبطين ببعض
وعجبني البلوجر بتاعكم
وياعني علي الغلبان في بلد مفهاش احترام لحريه الانسان
يامصر انت الام الام اللي بتضم
لكن طول مفيكي حيتان هتفضل حلتك تغم
دعوه للتطهير عاوزين نصيد الاغربه
متباعكم ياقمرات
شكراااااا جداااااااااااااا يا مادى على التعليق الحلو ده و ارجو انك تنتظرى الجزء التانى ان شاء الله
تقبلى تحياتى اختك نجمة
على فكرة يا مادى انا امانى اللى بعتلك التعليق اللى فوق انا اسمى نجمة برده بس على النت بس
معلش حصل عندى لخبطة خلتنى ابعت غير معرف
شكرا مرة تانية
الف مبرووووووك يا اماني عالبوست وعقبال الجاي ان شاء الله
وميرسي يا مادي انتي اللي قمر والله
خليكي متابعانا على طول
تحياتي ليكي
yasmeen
الحكومه عايزه بس تقول ارضوا بقضى ربنا وبعدين ربنا خلق الدنيا كده منوره الصبح ومضلمه بليل هتعترضوا
اكفروا بقى
هههههههههههههههههههه
بوست لذيذ ومتابع
ميرسى ليك يا بطوط حبوب و اهلا بيك على البلوج ياريت تتابع الجزء التانى ان شاء الله
تقبل تحياتى
اختك امانى
الف مبرووووووك يا اماني عالبوست وعقبال الجاي ان شاء الله
وميرسي يا مادي انتي اللي قمر والله
خليكي متابعانا على طول
تحياتي ليكي
yasmeen
03:04 م
الله يبارك فيكى يا ياسمين ياحبيبة قلبى
ميرسى على المشاركة
تقبلى تحياتى
اختك نجمة
اخى الفاضل -- اختى الفاضلة
ادعوكم للتضامن مع دعوة الداعية الاسلامى الكبير ( عمرو خالد )والانضمام
الى ---- ( حملة حما يه ) ------
فى انتظاركم ولاتترددوا نحن فى حاجة اليكم
برجاء التواصل للمساهمة وشكرا لكم مقدما....للمزيد يمكنك زيارة مدونتى
او زيارة موقع عمرو خالد مباشرة
اقولك بقى يا امانى شاف ايه ...
غلبان : انى جيت ابرأ يا سيدنا الشيخ لقيت عصايا نزلت طرقعت على نفوخى حولتنى ولقيت واحد بيقوللى بتبحلق فى ايه يا روح.... قلتله وانا بقى فيا نظر ابحلق بيه قاللى هو دة المطلوب هعهعهعهعع وبعدين شافنى واحد مصراوى جاللى هى دى التحية وهو دة الختم ....
مدونة جميلة اوى يا امانىىىىىىىىى
ربنا ياخد سلطان وفرج اصلى كنت حاطه فى حدوته كده ياريت تزورونا وتقروها
تحيـــاتى
المصــــــــــرى
بجد بجد مدونه تحفه
انا قريتها كلها
وعجبتنى جدا
وارجو ان تقبلونى من متابعيها الدائمين
تقبلوا تحياتى
كل سنة وانتو طيبين وبخير ورمضان كريم
إرسال تعليق